Mamlakatimizda aholi turmush tarzini yaxshilash maqsadida yer resurslaridan unumli foydalanish, qishloq xo’jaligi mahsulotlarini ko’paytirishga qaratilgan chora-tadbirlar amalga oshirilmoqda. Xususan, Surxondaryo viloyati hokimi Ulug‘bek Qosimov Angor tumanida bo‘lib, qishloq xo‘jaligi sohasida amalga oshirilayotgan ishlar hamda agrotexnik tadbirlarga haydov traktorlarini tayyorlash tadbirlari bilan tanishdi.
Shuningdek, O‘zbekiston Respublikasining O‘RQ-936-sonli Qonuniga asosan yer va suv resurslaridan oqilona foydalanish, qishloq xo‘jaligi mahsulotlari yetishtirish samaradorligini oshirish yuzasidan bajarilayotgan tadbirlarga e’tibor qaratdi.Mutasaddilarning axborotlari tinglanib, bahorgi mavsumga texnikalarni tayyorlashda fermer xo‘jaliklariga ko‘mak ko‘rsatish, o‘g‘itlar jamg‘arish, yoqilg‘i-moylash materiallari zaxirasini yaratish vazifalari belgilab berildi.
D.Mahmudova
