Talabalar tashabbusi

Yangi yilning kirib kelishiga ham oz fursat qoldi. Bolajonlarning sevimli bayrami sanalmish Yangi yil kattalarni ham befarq qoldirmaydi. Balki boladek bayramdan zavq olishga undayotgani haqiqat.
Shu sabab, ko‘chalarda yangi yil shukuhini sezish mumkin. Ajoyib bezaklar, kamalak misol tovlanib, o‘chib yonayotgan chiroqlar bahri dilimizni ochmoqda. Ana shunday kayfiyat hukmron bir paytda Termiz davlat universitetining talabalari ham bekor o‘tirmay, tashabbus ko‘rsatishmoqda.
Talabalar dars mashg‘ulotlaridan so‘ng, tyutorlari hamrohligida shahrimizning turli manzillari va jamoat transportlarida bolajonlarga bayramona kayfiyat ulashishmoqda. Bolajonlardan she’r, qo‘shiq xirgoyi qilib berishlarini so‘rab, yoki qiziqarli savob-javoblar qilib, sovg‘alar ulashishayotir.