Sharoit yaratish maqsadida…

Yurtimizda istiqomat qilayotgan har bir fuqaro teng huquqli. Shunday ekan, ularning har biri qulay shart-sharoitlarda yashashlari, tahsil olishlari, jamiyatda o‘z o‘rinlariga ega bo‘lishlari lozim. Ayni jihatlarni inobatga olgan holda mas’ullar aholi orasida doimiy o‘rganish ishlarini olib borib, kerakli yordamni ko‘rsatishga harakat qilib keladilar.
Surxondaryo viloyati hokimining o‘rinbosari Zulxumor Xidirovaga biriktirilgan tumanning “Duoba” mahallasida yashovchi ijtimoiy himoyaga muhtoj oilalarning ham yashash sharoitlari o‘rganildi. Mahallada yashovchi ijtimoiy himoyaga muhtoj oilalar farzandlariga bilim olishi va dars tayyorlashi uchun qulay sharoitlar yaratish uchun stol-stul hamda kitob javoni, badiiy kitoblari bilan yetkazib berildi.