“Skuter”lar olib berildi

Yordam o‘z vaqtida ko‘rsatilgani ma’qul. Ana shundagina xalqning roziligiga erishiladi. Buning uchun tezkorlik, mas’uliyat muhim ahamiyatga ega. Ayniqsa, mahallalarga biriktirilgan “Inson” ijtimoiy xizmatlar markazi xodimlari aholi bilan ishlashda doimiy tarzda uyma-uy yurishlariga to‘g‘ri keladi.
Shu jihatdan bir nechta mahallaga bir nafar “Inson” ijtimoiy xizmatlar markazi xodimining biriktirilgani ish jarayonida tezkorlik bilan kirishishni tlab etadi. Ayni jihatlarni hisobga olgan holda “O‘zsanoatqurilishbank” ATB tomonidan homiylik mablag‘lari hisobidan Jarqo‘rg‘on tumani “Inson” ijtimoiy xizmatlar markazi xodimlariga ijtimoiy himoyaga muhtoj oilalar holidan xabar olishi uchun 12 dona “skuter” olib berildi.
“Skuter”lar Ijtimoiy himoya milliy agentligi viloyat boshqarma boshlig‘i M.Tag‘oyev va bankning viloyat bank xizmatlari ofisi rahbari J. Ergashevlar tomonidan topshirildi.