3 ta loyiha foydalanishga topshirildi

Bandixon tumanida bir kunning o‘zida 3 ta loyiha foydalanishga topshirildi. Jumladan, “Bandixon agroklaster” MCHJ tomonidan tashkil etilgan sun’iy tola aralashmali ip-kalava ishlab chiqarish korxonasi ishga tushirilgan bo‘lsa, shuningdek, “Asilbek fayz 777” MCHJ tomonidan qurilgan 20 o‘rinli mehmonxona va maishiy xizmat ko‘rsatish shoxobchasi ham foydalanishga topshirildi.
“Orient avtokredit” MCHJning avtoservis va xizmat ko‘rsatish loyihasining ham ishga tushirilishi natijasida 35 ta yangi ish o‘rinlari yaratildi. Surxondaryo viloyati hokimi Ulug‘bek Qosimov mazkur loyihalarning ishga tushirilishi tadbirida ishtirok etib, aholi bandligini ta’minlash va tuman iqtisodiyotini rivojlantirishda muhim bo‘lgan korxonalar faoliyatiga muvaffaqiyatlar tiladi.