3 yil emas 6 yil…

Qonunchiligimizda kiritilayotgan o’zgarish va yangilanishlar, albatta, fuqarolarning manfaati uchun xizmat qiladi. Ularga yengillik va imkoniyatlar, imtiyozlar beradi. 2022-yilgacha bo‘lgan davrda ayollarning bola parvarishida bo‘lish davri ko‘pi bilan 3 yil ish stajiga qo‘shib hisoblangan. Qonunchilikka kiritilgan o‘zgarishlarga ko‘ra, 2022-yil fevral oyidan boshlab mazkur davr uzaytirilib jami 6 yil ish stajiga qo‘shiladigan bo‘ldi.
Bu nima degani? Misol uchun, ayol kishining 30 yil mehnat staji davomida 3 nafar farzandi uchun ish stajining 8 yili mobaynida parvarishlash (dekret) ta’tillarida bo‘lgan bo‘lsa, u holda fuqaroga pensiya tayinlash uchun ish staji hisoblashda jami 28 yil ish staji hisoblanadi. Ya’ni, 30 yil-8 yil+6 yil = 28 yil.
Ko‘rinib turibdiki, mazkur tartibning belgilanishi ham ayollarga qaratilayotgan yana bir muhim e’tibor hisoblanadi.