Xususan, viloyatimiz hokimi Ulug‘bek Qosimov hamrohligida delegatsiya a’zolari Jarqo‘rg‘on tumanidagi “PETROMARUZ UZBEKISTAN” MChJning neft qazib chiqarish, qayta ishlash va neft mahsulotlari ishlab chiqarish kompleksi faoliyati bilan tanishdi.
Shuningdek, MChJ rahbari kompleks faoliyati, mavjud imkoniyatlar va kelgusidagi amalga oshiriladigan ishlar yuzasidan taqdimot qildi. Shuningdek, Novosibirsk gubernatori o‘rinbosari, sanoat, savdo va tadbirkorlikni rivojlantirish vaziri hamda sohada faoliyat yurituvchi tadbirkorlar ham taqdimot davomida o‘zaro hamkorlikni yo‘lga qo‘yish imkoniyatlari va istiqbollari yuzasidan o‘z fikrlari va mulohazalar bildirishdi.
Shundan so‘ng, ikki hudud rahbarlari kompleks faoliyati bilan tanishib, kelgusida neft va gaz sanoati yo‘nalishida hamkorlik aloqalarini kengaytirish, yangi investitsion loyihalarni ishlab chiqish tashabbusini bildirishdi.
D.Qo‘zimurotova
