Hayvonot bog‘idagi jonivorlar soni ko‘paydi

Hayvonot bog‘i oilaviy boradigan, jonivorlarni miriqib tomosha qiladigan maskan. Farzandlarimiz bahona biz kattalar ham madaniy xordiq chiqaramiz. Jonivoylarga yegulik ulashamiz, ularni maroq ila kuzatamiz. Ayniqsa, hayvonot bog‘iga yangi hayvon keltirilsa bormi, u yerga qayta borishimiz uchun bahonai sabab topiladi.
Hayvonot bog‘iga Toshkent hayvonot bog‘idan noyob turdagi Nil timsohlari keltirilgani ham ana shunday sababga xizmat qildi. Timsohlar ikki oy davomida nazoratga olinib, endilikda tomoshabinlarning zavq-shavq olishlari uchun ko‘rgazma pavilyoniga qo‘yildi.
Yangi jonivorlar hayvonot bog‘iga anchagina o‘rganib qolishgan. Yaxshi e’tibor qaratilayotgani bois juda tez o‘sib rivojlanmoqda. Hayvonot bog‘ida ularni yaxshi parvarishlab, nasl olish maqsad qilingan.