Faoliyati tanqid qilindi

Mahallalarda xotin-qizlar faollari faoliyat olib boradi. Ammo ajrimlar, oilaviy nizolarning kelib chiqishi to‘xtagani, muammoga munosib yechim izlanmagani kishini o‘ylantiradi. Yoki xotin-qizlar faoli o‘z ishini uddalay olmayapti yoki mas’uliyatni his etmayapti. Ayni jihatlarni hisobga olgan holda Uzun tumanida xotin-qizlar faollari faoliyatining tanqidiy tahlili boʻlib oʻtdi.
Unda, 6 oy davomida tumanda xotin-qizlarning ijtimoiy himoyaga muhtoj qatlami bilan olib borilgan ishlar, oilaviy ajrimlarning oldini olishga qaratilgan profilaktik tadbirlar va ularning natijadorligi, faollarning 6 oylik kasbiy yoʻnalishlaridagi muhim samaradorlik koʻrsatkichlar tahlil qilindi.
Yigʻilishda Surxondaryo viloyati hokimi oʻrinbosari, Oila va xotin-qizlar boshqarmasi boshligʻi Zulxumor Xidirova, Surxondaryo viloyati Ichki ishlar boʻlimi Jamoat xavfsizlik xizmati huquqbuzarliklar profilaktikasi boshqarmasi boshligʻining xotin-qizlar masalalari boʻyicha oʻrinbosari podpolkovnik Oʻraltosh Eshimova, Uzun tuman hokimi o‘rinbosari S.Gulboyeva, mahalla faollari, oqila ayollari, patronaj hamshiralar shuningdek keng jamoatchilik vakillari ishtirok etdilar.