Ta’tilda…

O‘quvchi-yoshlar uchun ta’til oromgohlarda, sayr-u sayohat bilan maroqli o‘tayotgan bo‘lsa, maktabgacha ta’lim muassasalarida maktabgacha yoshdagi bolajonlar uchun ham mazmunli kechmoqda. Tajribali va o‘z ishining ustasi bo‘lgan pedagoglar bolajonlar uchun foydali va qiziqarli mashg‘ulotlar ila kunini ajoyib o‘tkazish uchun xizmati-yu mehnatini ayashmayotgani quvonarli.
Yozgi sog‘lomlashtirish davri maktabgacha ta’lim tashkilotlarida bolalarni sog‘lomlashtirish va chiniqtirish ishlariga katta e’tibor qaratilgan. Jarqo‘rg‘on tumanidagi 46-sonli davlat maktabgacha ta’lim tashkilotida kichik guruh tarbiyalanuvchilarining “Suv bayrami” nishonlandi.
Suv, havo va quyosh vannalarini o‘tkazish esa chiniqtirish jarayonidagi maxsus tadbirlar sanaladi. Tadbir davomida “Suvni e’zozlang va bunga oilangizni ham o‘rgating” shiori ostida o‘tkazilgan tadbirda bolajonlar tomonidan suv qadrli ne’mat ekanligi haqidagi she’rlar, kuy-qo‘shiq va raqslar namoyish etildi.