“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay tilni o‘rganish esa har bir yoshning o‘z tanlovidir. Termiz shahrida til o‘rgatish bo‘yicha katta tajribaga ega repititorlik markazlari ham talaygina. Ammo hammaning ham oyma-oy ma’lum miqdordagi summani to‘lashga imkoniyati yo‘q. Yoshlar markazida esa “Ibrat farzandlari” loyihasi tashabbusi bilan bepul til o‘rgatish kurslari ham tashkil etilganki, bu kurslar ta’tilda til o‘rganuvchilarning vaqtini foydali va maroqli o‘tkazishga xizmat qilmoqda.
Guljahon Xo‘jamurodova til o‘rganish istagida bo‘lgan barcha yoshlarga ingliz tilidan bepul darslar o‘tib kelmoqda. Til o‘rganishga ishtiyoqi baland yoshlarning safi ortayotganidan kelib chiqib, yangi guruh tashkil etildi va darslar boshlab yuborildi.