“Milliy qadriyatlar” tarannum etdi

Hunar — hunardan unar deb bejiz aytishmaydi. Inson biror bir hunarning boshini tutsa, ham vaqti mazmunli o‘tadi, san’atga, yaratuvchanlikka oshno bo‘ladi. Qolaversa, yasagan va yaratgan buyumlari atrofdagilar koriga yaraydi, estetik, madaniy xordiq beradi, daromad ham keltiradi.
Ayni hunarmandlarning mehnati-yu ijodini qo‘llab-quvvatlash, ularni kashf etish maqsadida hunarmandchilik va qo‘l mehnati yo‘nalishi bo‘yicha “Milliy qadriyatlar” shiori ostida respublika ko‘rik-tanlovi davom etmoqda. Ushbu ko‘rik-tanlovning tuman bosqichi Oltinsoy tumani “Barkamol avlod” bolalar maktabi “Hunarmandchilik va qo‘l mehnati” yo‘nalishidagi “Yog‘och o‘ymakorlik” to‘garak a’zolari o‘rtasida bo‘lib o‘tdi.
Unda ishtirokchilar faol qatnashdi. Ular orasida yosh hunarmand Elshodbek Jo‘raboyevning ijodiy ishi hakamlar-u tomoshabinlarning e’tiborini tortdi va 1-o‘ringa munosib ko‘rildi.