Termiz iqtisodiyot va servis universitetida “Senator, deputat va yoshlar” uchrashuvi o‘tkazildi. Unda, Oliy Majlis Senati a’zosi, Xalq deputatlari viloyat Kengashi deputati, universitet rahbariyati va talabalar ishtirok etdi.
Uchrashuvda yoshlarning siyosatdagi o‘rni hamda bugungi siyosiy jarayonlar xususida so‘z bordi. Yoshlar ilm olish jarayonida siyosiy savodxonligi va bilimlarini oshirib borishlari lozimligi ta’kidlandi. Shu bilan birga, oliygohda yosh siyosatchilar guruhini shakllantirish uchun “Liderlar” klubini tashkil etish taklifi bildirildi.
Savol-javoblarga boy o‘tgan tadbirda faol ishtirok etgan talabalarga partiyaning esdalik sovg‘alari topshirildi. Tadbir yakunida, Termiz iqtisodiyot va servis universiteti va “Milliy tiklanish” demokratik partiyasi Surxondaryo viloyati Kengashi o‘rtasida hamkorlik memorandumi imzolandi.
