Millionlab ajdodlarimiz jasorati sabab erishilgan ozodlik bugun bizga obod yurt, go‘zal hayot va farovon kunlarni taqdim etgan. Vatandoshlarimiz qalbida esa bugungi tinch va osoyishta kunlarga shukronalik hissi yashaydi. Ko‘ksiga davlat bayrog‘ining bir parchasi qadalgan surxondaryoliklar qalbida g‘urur, vatanga muhabbat va osoyishta hayotga shukronalik tuyg‘ulari aks etdi.
Mamlakatimiz bo‘ylab 9-may – “Xotira va qadrlash kuni” oʼzgacha ruhda otkazlishi, zamirida ajdodlar xotirasini yod etish, ezgu ishlarni davom ettirish, yurtimiz tinchligi va ravnaqi yoʼlida xizmat qilgan keksalarga alohida hurmat-eʼtibor ko‘rsatish kabi ezgu maqsadlar mujassam.
Surxondaryo viloyati yoshlar ishlari boshqarmasi hamda Respublika Ma’naviyat va ma’rifat markazi Surxondaryo viloyati bo‘limi hamkorligida 9-may — “Xotira va qadrlash kuni” munosabati bilan Termiz shahridagi “Vatanparvarlar” bog‘ida madaniy-ma’rifiy tadbir o‘tkazildi. Tadbir davomida yig‘ilgan talaba-yoshlarga milliy bayrog‘imiz ranglari aks etgan sharaf lentalari tarqatildi.
