“KITOB BIZNI BIRLASHTIRADI!”

Kitob — eng yaxshi do‘st, eng yaxshi yo‘ldosh. U beradigan ma’naviy ozuqadan tashqari insonlarni bir-biri bilan bog‘laydigan, mulohaza qilishga, munozaraga chorlaydigan vosita hamdir. Surxondaryo viloyat bolalar kutubxonasida 2-aprel — “Xalqaro bolalar kitoblari kuni” munosabati bilan “Kitob bizni birlashtiradi” shiori ostida kitobxonlik haftaligi boshlandi.
Tadbirlar shukuhi o‘zgacha ruhda boshlandi. Birinchi navbatda haftalik doirasida ochiq eshiklar kuni bo‘lib o‘tdi. Tashkil etilgan kitob ko‘rgazmalari, “Farzandimga kitob sovg‘a qilaman” kitob aksiyalari barchada katta qiziqish uyg‘otgan bo‘lsa, viktorinalar, shoir va yozuvchilar bilan ijodiy uchrashuvlar, davra suhbatlari ham kitobxon yoshlarni e’tiborsiz qoldirmadi.