G‘oliblar soni ortmoqda

Gimnastika go‘zal va nafis sport turidir. U bilan shug‘illangan yoshlarning tanasi sog‘lom, barkamol, qomati raso bo‘lishi bilan ahamiyatli. Termiz shahrida sportning sport gimnastikasi turi bo‘yicha o‘smirlar o‘rtasida viloyat chempionati bo‘lib o‘tdi.
Har bir ishtirokchi maydonga chiqib, bor mahoratini namoyon etdi. Har bir chiqishdagi holatlar, harakatlar inobatga olinib, baholanib borildi. Iste’dodli, mahoratli yoshlar g‘olib deb topilib, chempionat so‘nggida munosib taqdirlandi.
— G‘oliblar safida ekanimdan xursandman, — deydi 12-AFCHO‘Mining 6-sinf o‘quvchi Abdulaziz Abrorov — Ota-onamning qo‘llab-quvvatlovi, ustozlarimning mehnati bilan shu darajada erishdim. Bu safar ikkinchi o‘rinni oldim. Kelgusida, albatta, birinchi bo‘laman.