Piyodalar yo‘lagi barpo etilmoqda

Muzrabot tumani “Yakkatol” mahallasidagi aholi xonadonlari, ko‘chalar batartibligini ko‘rib, mahalla obod manzilga aylanayotganini guvohi bo‘lishingiz mumkin. Albatta, bu bejizga emas. Sababi ushbu mahallada “Obod xonadon, obod ko‘cha, obod mahalla” mezonlari asosida keng ko‘lamli ishlar amalga oshirilmoqda.
Bu yerda yangicha hayot boshlanmoqda, birinchi navbatda mahallada tozalik, obodonlashtirish ishlari jadal sur’atlarda olib borilib, yangicha qiyofa kasb etayotir. Mahalla aholisini issiq-sovuq kunlarda loy va chang kechmasdan toza-ozoda manziligiga yetib olishlarini ta’minlash maqsadida yo‘lkalar bunyod etilmoqda.
Navro‘z bayrami arafasida daraxtlarga shakl berilib, oqlandi, xazonlar to‘plab chiqarilib tashlandi. Ariqlar tozalandi. Xonadonlarda ham obodonlashtirish ishlari olib borildi.