IELTSdan 8 ball

Bugungi kunda talab va qiziqishdan kelib chiqib, chet tillarini o‘rganuvchilar safi kengayib borayotir. Termiz shahridagi 1-umumta’lim maktabining 10-sinf o‘quvchisi Jasmina Ashuraliyeva ham qisqa muddatla ingliz tilini o‘rganib, bu tilni bilish darajasini aniqlamoqchi bo‘ldi. Xalqaro til bilish darajasini baholash maqsadida IELTS sinovida qatnashib, yuqori ko‘rsatkich — 8 balni qo‘lga kiritdi.
Bu bilan Jasmina ingliz tilini puxta o‘rganib, shu tilde bemalol suhbatlashish, shu tildagi kitob va adabiyotlarni o‘qish bilan birga oliygohda ingliz tili blogida imtihonlardan ham ozod etiladigan bo‘ldi. Jasminaning bunday muvaffaqiyati uning tengdoshlariga ham o‘rnak bo‘lib, ular ham til o‘rganishga bel bog‘lashsa, ajab emas.