Sariosiyo tumanidagi “Shaxtyor” o‘yingohida “Olam nurga to‘lsin sen bilan, Navro‘z!” shiori ostida “Navro‘z” umumxalq bayrami nishonlanmoqda.
Sariosiyoliklarning xursandchiligiga qo‘shni Tojikiston Respublikasidan tashrif buyurgan mehmonlar ham sherik bo‘ldilar. Mehmonlar tantanali ravishda kutib olinib, Navro‘z shodiyonalariga taklif etildi.
Dilga orom beruvchi mumtoz navolar, folklor-etnografik jamoalar ijrosidagi kuy-qo‘shiqlar, raqslar va unga hamohang tarzda o‘tmishdagi ajdodlarimizning turmush tarzi va yorug‘ orzu-umidlari, intilishlarini aks
ettirgan chiqishlar barchani mahliyo etadi. Navro‘zi olam sariosiyoliklarga o‘zgacha shukuh, shodu-xurramlik bag‘ishladi.
Tumanning har bir mahallasi-yu qishloqlarida bayram sayillari davom etmoqda. Joylarda yangi inshootlarga tamal toshi qo‘yilib, ulkan bunyodkorlik ishlari boshlanmoqda. Mehr-oqibat, xayr-saxovat, bag‘rikenglik singari yuksak insoniy fazilatlarimiz keng namoyish etilib, ehtiyojmand oilalarga moddiy-ma’naviy ko‘mak berilmoqda.
