Tumandagi barcha umum-ta’lim maktablarida o‘quvchi-yoshlarning bo‘sh vaqtlarini mazmunli tashkil etish, shu bilan birga, ularning ijtimoiy-siyosiy va huquqiy bilimlarini yanada mustahkamlash hamda intellektual salohiyatini oshirish maqsadida “Zakovat” intellektual o‘yini o‘tkazib kelinmoqda.
Jumladan, Termiz tumanidagi 22-sonli umumta’lim maktabida “Zakovat” intellektual o‘yinining “Milliy Gvardiya Surxondaryo viloyati bo‘yicha boshqarmasi kubogi” saralash bosqichi bo‘lib o‘tdi. Musobaqada maktabning yuqori sinf o‘quvchilaridan iborat jamoalar ishtirok etdi. Qiziqarli va bahs-munozaralarga boy tarzda o‘tgan musobaqada maktabning 10-sinf o‘quvchilari g‘olib bo‘ldi.
Yakunda g‘olib jamoalar tashkilotchilarning tashakkurnoma va esdalik sovg‘alari bilan taqdirlandi.
Dinara Mahmudova
