Chempion bo‘lishdi

Tinib-tinchimas yoshlarimiz ilm-fanda, ijodda, sportda o‘z iqtidor va iste’dodlarini namoyon etib, yuqori natijalarni qayd etishayotgani har birimizning qalbimizda g‘urur va iftixor tuyg‘usini mavjlantirmoqda. Kuni kecha vohaning yosh gimnastikachi qizlari Buxoro shahrida bo‘lib o‘tgan sportning badiiy gimnastika turi bo‘yicha respublika birinchiligi bahslarida ishtirok etdi.
Natija esa kutilganidan-da a’lo bo‘ldi. Albatta, barcha jamoalar puxta tayyorgarlik ko‘rgani chiqishlardan ayon. Tomoshabinlar e’tibori, hakamlar e’tirofiga sazovor bo‘lgan surxondaryolik gimnastikachi qizlar faol qatnashib, faxrli 1-o‘rinni qo‘lga kiritib, yana bir karra respublika chempioni degan nomga sazovor bo‘ldilar.