Biotexnik tadbirlar davom etmoqda

Tog‘larni, o‘rmonu dashtlarni, xullas borliqni qor qopladi. Olam oppoq libosda. Manzarani kuzatish esa har bir insonning bahri dilini ochadi. Ammo, bunday ob-havo sharoitida ochiqlikda yurgan jonzotlarning taqdiri nima kechadi. Ular qanday yemish topib, jon saqlarkin? Ana shu jihatlarini o‘ylagan “Surxon” davlat qo‘riqxonasining bir guruh jonkuyarlari dengiz sathidan 2 500 metr balandlikda jolashgan “Xo‘janqo” bo‘limida biotexnik tadbirlarni amalga oshirishdi.
Aytish kerakki, bo‘limning umumiy maydoni 1 ming 590 gektar yer maydonini tashkil qiladi. Biotexnik tadbirlar davomida yovvoyi hayvonlar uchun ozuqabop yemlar to‘kib chiqildi. Albatta, bu kabi xayrli tadbirlar hayvonlar sovuq ob-havoda betalafot olib chiqishini ta’minlaydi.