IT O‘QUV MARKAZI ISH BOSHLADI

Yoshlarning IT sohasiga bo‘lgan qiziqishi yuqori, ammo qiziqish bilan ish bitmaydi. Natijaga erishish uchun soha mutaxassislari jalb etilishi, yoshlarga IT sohasi bo‘yicha puxta bilim va ko‘nikmalar berishi lozim. Ayni jihatlarni inobatga olgan holda Qiziriq tumanida ham IT o‘quv markazining zamonaviy infratuzilmaga ega bo‘lgan binosi o‘z faoliyatini boshladi.
Markazda yoshlarni kompyuter savodxonligi va IT sohasini o‘zlashtirish uchun barcha shart-sharoitlar yaratilgan. Kurslar davomida axborot texnologiyalari, dasturlash, IT-sohasi bo‘yicha chuqur bilim beriladi. Yangi loyihalar ustida ishlanib, ularni yurt farovonligi yo‘lida tatbiq etishga alohida e’tibor qaratiladi. Markazga IT sohasiga va xorijiy tillarni o‘rganishga ishtiyoqi baland bo‘lgan yoshlar jalb etilib, munosib qo‘llab-quvvatlanadi.