Gulchilik ortidan

Mehnatdan kelsa boylik, turmush bo‘lar chiroylik deyishgani rost ekan, denovlik tadbirkor Otabek Bo‘ronov ham sidqidildan mehnat qilib, ro‘zg‘ori to‘kin-sochinlikda, nimaiki ehtiyoji bo‘lsa, bari badastir. Tadbirkor tomorqasidan unumli foydalanib, gullarni parvarishlamoqda. U gullarning 20 dan ortiq turini parvarishlab, xaridorlariga sotib, mo‘may daromad ko‘rayotir.
Otabek Bo‘ronovning gulchilikdagi 10 yillik tajribasi qo‘l kelib, nafaqat gulchilik, ko‘chatchilik bilan shug‘ullanib kelmoqda. U 4 gektar yerining 50 sotixida issiqxonada gulchilik qilsa, qolgan yerda ko‘chatchilik qilib foydalanib kelmoqda. Bu bilan butun oila band. Qolaversa, tadbirkor mahalladagi 5 nafar fuqaroni ham doimiy ish bilan ta’minlagan.