Alisher Navoiy dahosini o‘rganish shoir tavallud topgan sanadagina emas, doimiy ravishda davom etishi lozim. Shu maqsadda DXX Chegara qo‘shinlariga qarashli Surxondaryo viloyati Jarqo‘rg‘on tumanida joylashgan harbiy qismlarning birida Alisher Navoiy tavalludining 583 yilligi munosabati bilan “Alisher Navoiy nomi barhayot” mavzusida harbiy xizmatchilar ishtirokida davra suhbati va “Navoiyxonlik kechasi” tadbiri bo‘lib o‘tdi. Tadbir davomida A. Navoiy hayoti va ijodiy faoliyati haqida so‘z bordi.
Buyuk shoir, gazal mulkining sultoni Alisher Navoiy 1441-yil 9- fevralda tavallud topgan. Yurtimizdagi hech bir shaxs ushbu kunni yodidan chiqarmaydi. Shu jumladan, buyuk shoir va mutafakkir, davlat va jamoat arbobi Alisher Navoiydan milliy madaniyatimiz va adabiyotimiz uchun bebaho ijodiy-ilmiy meros qolgan. Bobomizning buyuk va bebaho nodir adabiy asarlari asrlar osha dunyo xalqlarini ham o‘ziga jalb qilib kelmoqda.
Javlanbek Meyliyev,
harbiy xizmatchi
