Yosh iqtidorlarning ovozini, san’atda, ijoddagi izlanishlarini ko‘rib, eshitib, tasanno aytasan kishi. Tinch va osuda yurtimizda, dorilomon kunlarda yosh avlod faqat va faqat o‘qish, o‘rganish, o‘z iqtidorlarini yuzaga chiqarishda bor imkoniyatlarini ishga solishayotgani, kelajagimiz ishonchli qo‘llarda ekanini ko‘rsatadi. “Kamalak yulduzlari” bolalar ijodiyot festivalining har yili an’anaviy tarzda o‘tkazilib kelinayotgani esa ko‘plab iqtidorlarni yuzaga chiqarishga xizmat qilayotir.
Bu yil ham shunday bo‘ldi. Festivalning viloyat bosqichi “Yoshlar markazi” binosida tashkil etildi. Tanlovda 200 dan ziyod iste’dodli, iqtidorli bolalar ishtirok etib, 6 ta yo‘nalish, ikkita yosh toifasi bo‘yicha g‘oliblar aniqlandi. Aytish kerakki, har bir chiqish, har bir ovoz e’tiborga va e’tirofga loyiq. Ular orasidan g‘oliblarni aniqlashdan qiyin ish bo‘lmasa kerak.
Ko‘tarinki ruhda bo‘lib o‘tgan tanlov so‘nggida g‘oliblar aniqlanib, ularga diplom va esdalik sovg‘alari topshirildi.
