Faollar taqdirlandi

Yoshlarning bo‘sh vaqti yetakchining ish vaqti degan g‘oya asosida ish olib borgan yoshlar yetakchisi o‘tgan muddat ichida mahalla yoshlari bilan manzilli va tizimli ishlarni yo‘lga qo‘yib, munosib tashabbus ko‘rsata oldi. O‘z navbatida, ishiga sustkashlik bilan qaraganlarni esa oqimning o‘zi bir chekkaga chiqarib tashladi. To‘xtalmoqchi bo‘lganimiz esa faollar, tashabbuskorlar haqida. Surxondaryo viloyatidagi 724 ta mahalla yoshlar yetakchisi “Yilning eng namunali mahalla yoshlar yetakchisi” ko‘rik-tanlovining viloyat bosqichida o‘zaro bellashdilar.
Natijaga ko‘ra, 10 ta yo‘nalishdan 5 ta 1-o‘rin Termiz shahar yoshlar yetakchilariga nasib etdi va tanlovning respublika bosqichiga yo‘llanmani qo‘lga kiritdilar. Tanlovda “Yoshlarni bo‘sh vaqtini eng samarali tashkil etgan” yoshlar yetakchisi Laylo Mengto‘rayeva, “Yoshlarni sog‘lom turmush tarziga jalb qilish” nominatsiyasida Shoxabbos Qoraboyev, “Yoshlar daftari tizimini samarali tashkil etgan” yetakchi sifatida Akmal G‘affarovlar 1-o‘rinni egallashdi.