Surxondaryo viloyati bo‘ylab O‘zbekiston Respublikasi Konstitutsiyasi qabul qilinganining 31 yilligi munosib nishonlanmoqda. Buni o‘tkazilayotgan tadbirlar, tanlovlar, uchrashuv va davra suhbatlari misolida ko‘rib, kuzatib turibmiz. Ayniqsa, xalqning huquqiy savodxonligini oshirish, bosh qomusimiz haqida kengroq tushuncha berish maqsadida “Konstitutsiya ko‘chasi” tadbirlarining qamrovi kengayib bormoqda.
Jarqo‘rg‘on tumani hokimligi, tuman Adliya bo‘limi va tegishli tashkilotlar tomonidan sana munosabati bilan bugun tuman hokimligi yonidagi markaziy ko‘chada “Konstitutsiya ko‘chasi” tadbiri tashkil etildi. “Adliya huquqiy marshi”da har bir davlat organining o‘z burchaklari tashkil etildi hamda fuqarolarga huquqlari bevosita soha egalari tomonidan tushuntirish va huquqiy maslahatlar berib o‘tildi.
