35 kishining bandligi ta’minlandi

Tadbirkor tashabbus ko‘rsatib, o‘z faoliyatini boshlasa yoki ishini kengaytirsa, nafaqat o‘ziga, balki jamiyat uchun ham foydali. Qandaydir xizmat turi va ishlab chiqarish bilan talabga yarasha taklif bo‘lsa, boshqa tomondan ishchi kuchiga ehtiyoj seziladi. Bu esa ishsiz fuqarolar uchun ayni muddao.
Aholiga qulaylik yaratish maqsadida tadbirkor Sobir Berdiyev Sho‘rchi tumanida loyiha qiymati 15 milliard so‘m bo‘lgan tantanalar saroyi va savdo majmuasini qurib bitkazdi. Faoliyatini boshlagan tantanalar saroyi va savdo majmuasida 35 kishining bandligi ta’minlandi.