Xarajatlar qoplanadi

Bugungi kunda hayotimizga tobora kirib kelayotgan IT sohasi yoshlarga katta qiziqish uyg‘otmoqda. Sohani mukammal o‘rganish, muvafaqiyatga erishish uchun esa til bilish talab etiladi. Yuqori oylik-maoshli ishga ega bo‘lish, sevimli mashg‘uloti bilan mashg‘ul bo‘lish esa harakat qilishga, izlanishga arziydi.
Quvonarlisi, B2 va undan yuqori xorijiy til bilish darajasiga ega fuqarolarga xalqaro IT-sertifikatlarni olish bo‘yicha imtiyozlar joriy etilishi bu yo‘ldagi birinchi qadamdir. Prezident qarori bilan 2023-yil 1-oktyabrdan B2 va undan yuqori xorijiy til bilish darajasiga ega fuqarolar tomonidan tegishli yo‘nalishlarda xalqaro IT-sertifikatlarni olish xarajatlarining 100 foiz qismini qoplash tizimi joriy etiladi.
Bitiruvchisi IT-xizmatlarni eksport qiluvchi IT-park rezidenti bo‘lgan kompaniyalarga ishga joylashgan nodavlat o‘quv markazlariga har bir bitiruvchi uchun BHMning 75 baravarigacha, nogironligi bo‘lgan yoshlar uchun esa 105 baravarigacha bir martalik subsidiya ajratish yo‘lga qo‘yiladi.