… bandligi ta’minlandi

Tikish-bichishni bilmaydigan xotin-qizlar bo‘lmasa kerak. Shu jihatdan olib qaraganda ishsizman deganni ham chevarlikka yo‘naltirish, ish bilan band qilish mumkin. Termiz shahar prokurori, X.Mamatqulovning tashabbusi bilan “Tinchlik” mahallasida yashovchi “Ayollar daftari” hamda “Yoshlar daftari”ga kiritilgan 30 nafar ishsiz xotin-qizning bandligini taʼminlash maqsadida “Dehqon texnik” xususiy korxonasi rahbari, tadbirkor B.Fayzullayev hamda Termiz shahar kambagʻallikni qisqartirish va bandlik boʻlimi bilan hamkorlikda “Kasanachilik” faoliyati yoʻlga qoʻyildi.
Ishlayman degan xotin-qizlarga zamonaviy tikuv mashinkalari va boshqa zaruriy asbob-uskunalar yetkazib berildi. Qarabsizki, muammo hal. Endi ular tikish-bichish qilib, har bir kunini mazmunli o‘tkazish bilan birga doimiy daromad manbaiga ham ega bo‘lishadi. Bundan xotin-qizlarning quvonchi cheksiz, yaratilgan shart-sharoit va imkoniyatlardan unumli foydalanib, ish boshlashayotir.