Depressiya, tushkunlik, ayniqsa, o‘smirlik yoshida juda ko‘p uchraydigan holat. Buni yengish esa bu yoshda anchayin qiyin jarayonga aylanadi. Ana shunday holatlarning oldini olish, munosib yechim topish maqsadida esa maktablarda o‘quvchilarda o‘zini o‘zi boshqarish, murakkab hayotiy vaziyatlarni yengib o‘tish ko‘nikmalarini shakllantirish, depressiya, xavotirli holatlar va suitsidlarning oldini olish bo‘yicha maxsus ijtimoiy-emotsional o‘quv soatlari yo‘lga qo‘yiladigan bo‘ldi.
Prezident qarori bilan Maktabgacha va maktab ta’limi vazirligi hamda Sog‘liqni saqlash vazirligiga shunday vazifa qo‘yilib, ushbu darslardan maqsad esa o‘quvchilarda o‘zini o‘zi boshqarish, murakkab hayotiy vaziyatlarni yengib o‘tish ko‘nikmalarini shakllantirishdan iborat. Qolaversa, bu bilan depressiya, xavotirli holatlar va suitsidlarning oldi ham olinadi.
S.Murodova
