Aholi turmushini yaxshilash, farovonligini ta’minlashning eng birinchi qadami, ularni ish bilan band qilish, vaqtini mazmunli va foydali o‘tkazishlarini ta’minlashdir. Ana shundagina har qanday muammo va illatlarning oldi olingan bo‘ladi. Shu maqsadda fuqarolarning qiziqish va layoqatlari bilan qiziqilib, ularga munosib sharoit yaratish, ish o‘rni yoki tadbirkorlik bilan shug‘ullanishlari uchun o‘rinli takliflar beriladi. Qiziriq tuman hokiminng tashabbusi bilan tumanning ishsiz qatlamini ish bilan band etish maqsadida xonadonlarida issiqxona qurish taklifi ko‘plar tomonidan qo‘llab-quvvatlangan edi. Shundan so‘ng amaliy harakatlar ham boshlab yuborildi.
Aytish kerakki, issiqxona qurish ishlari qizg‘in tus olgan. Xonadon egalari yuz-ko‘zida xursandchilik va minnatdorlik hissi sezilib turibdi. Ular o‘zlari uchun mo‘ljallangan issiqxonalarda qanday ekinlar ekishlarini ham allaqachon rejalashtirib qo‘yishganini hokim bilan suhbat jarayonida aytib berishdi. Mana shunday fikrlarga hamohang tuman hokimi ham o‘z tavsiya va maslahatlarini berdi. Tuman rahbarining topshirig‘iga asosan ushbu issiqxonalarga bulg‘or qalampiri, pomidor, bodring ko‘chatlari olib kelib berilishi issiqxona egalarini yanada quvontirdi.
Hokimning tashabbusi bilan tuman bo‘ylab yana 150 ta xuddi shunday issiqxona tashkil etiladi.
H.Kamolova
