Surxondaryo viloyatida kelgusida amalga oshirilishi mumkin bo‘lgan yangi investitsiya loyihalari suv resurslari taʼminotini yaxshilash uchun xizmat qiladi. Ayni shu maqsadda Surxondaryo viloyat hokim Ulug‘bek Qosimov Edzvan Anvar boshchiligidagi Isom taraqqiyot banki vakillari bilan uchrashdi.
Uchrashuvda Islom taraqqiyot banki ishtirokida amalga oshirilayotgan “Surxondaryo viloyatida suv resurslarini boshqarishni yaxshilash (Xazarbog‘-Oqqapchig‘ay kanallari tizimini qayta tiklash)” loyihasi doirasida amalga oshirilayotgan ishlarni jadallashtirish masalasi muhokama qilindi.
Aytish kerakki, loyiha doirasida Xazarbog‘-Oqqapchig‘ay kanallar tizimiga bog‘liq 103,4 ming gektar sug‘oriladigan ekin maydonlari kafolatli suv bilan taʼminlanadi. Loyihaning umumiy qiymati 121,66 million dollarni tashkil etadi. Uchrashuv davomida belgilangan loyihani oxiriga yetkazish masalalarida muzokaralar o‘tkazildi.
H.Kamolova
