Rahbar yo‘lboshchi, rahbar salohiyatli va barchani o‘ziga ergashtira oladigan kadr sifatida taassurot uyg‘otadi. Yoshlar muvaffaqiyatga erishgan insonlarni ko‘rganda ularga havas bilan boqadi, ana shunday zalvorli yo‘lni bosib o‘tishni istaydi. Bunday natijaga erishish uchun esa avvalo har bir yosh o‘qib o‘rganishi, izlanishi, kitobga do‘st tutinishi lozim. Ana shundagina istagan cho‘qqisini zabt etishi mumkin.
Muvaffaqiyatga erishishning eng to‘g‘ri yo‘li adabiyotga, kitobxonlikka qiziqishni oshirishdir. Ana shundan keyingina har bir yoshning o‘z oldiga qo‘yadigan aniq maqsadi paydo bo‘ladi. Bu borada sektor rahbari, Davlat soliq inspeksiyasi boshlig‘ining xizmatini e’tirof etib o‘tish o‘rinli. Sektor rahbari Jarqo‘rg‘on tumanidagi maktablarga tashrif buyurib, badiiy va o‘quv adabiyotlari sovg‘a qildi.
Tashrif uchrashuvga ulanib, sektor rahbari ustoz-murabbiylar va o‘quvchi-yoshlar bilan dildan suhbatlashdi. Muvaffaqiyatning siri nimada ekani haqida o‘z tajribasi misolida gapirib berdi. Barchani kitobxonlikka targ‘ib qilib, buning foydasi haqida ham to‘xtalib o‘tdi.
S.Davlatova
