Orzusiga qanot bo‘ldi

Date:

O‘z oldingizga maqsad qo‘ysangiz-u, ro‘yobi uchun imkoningiz yetmasa, bundan yomoni yo‘q. “Yoshlar daftari” esa ana shunday imkonni berib, yoshlarni munosib qo‘llab-quvvatlashga xizmat qilayotir. Sho‘rchilik Aziz Qarshiyev ham vatan xizmatiga otlanmoqchi bo‘ldi-yu, bu xizmatni amalga oshiradigan pul mablag‘iga qo‘li kaltalik qildi. O‘zi yashaydigan mahalla yetakchisi bilan maslahatlashganida esa yoshlar yetakchisi uning ko‘ngliga umid chirog‘ini yoqdi.
Shu tariqa 19 yoshli yigitning oilaviy sharoiti o‘rganildi va “Yoshlar daftari”ga kiritilib, arizasi ijobiy yechim topadigan bo‘ldi. Sho‘rchi tumanida ayni Aziz qatori yuragida olov yonayotgan va harbiy xizmatga borish niyatida bo‘lgan 105 nafar yosh uchun zarur bo‘lgan mablag‘lar to‘lab berilgani quvonarli hol.
Qahramonimizning esa quvonchi cheksiz. U vatanimiz sarhadlarini himoya qilish, osoyishtaligimiz yo‘lida sidqidildan xizmatda bo‘lishni diliga tukkan. Ana shunday ishtiyoq ila yonayotgan mard o‘g‘lonning egnidagi libosi esa o‘ziga biram yarashgan. Ota-onasining xursanchiligi ham o‘g‘illari Azizdan kam emas.
— Juda baxtiyorman. Test va jismoniy tayyorgarlik bo‘yicha sinovlarda yaxshi natijalarga erishdim, – deydi Azizbek Qarshiyev. – Muddatli harbiy xizmatdan so‘ng, albatta, shu sohada oliy maʼlumot olib, professional harbiy bo‘laman. O‘z burchimni chegara qo‘shinlari safida davom ettirish niyatim bor.


H.Kamolova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun