Harbiylik libosining o‘ziyoq qalbimizga faxr-iftixor tuyg‘ularini mavjlantiradi. Endi bir tasavvur qilaylik, harbiy orkestr sadolari ostida o‘y-xayollarimiz qanday bo‘larkan? Albatta, Vatanga muhabbatimiz yanada oshadi. Uning himoyasi muqaddas burch ekani haqida o‘ylaymiz. Farzand sifatida Vatan xizmatiga bel bog‘lash, bir koriga yarashga urinamiz.
Yuragimizda vatanparvarlik hissi jo‘sh urar ekan, bu his har qadamimizda, har onimizda, yuragimizning har zarbida o‘z kuchini ko‘rsataveradi. Bu his sehrli, bu his ohanrabodek, o‘zimizga o‘zgalarni, atrofdagilarni-da ergashtira oladi, yuqtira oladi. Angor tumanida yoshlarni vatanparvarlik ruhida tarbiyalash maqsadida harbiy orkestr sadolari ostida yurish marafoni tashkil etildi. Ushbu marofonda sektor rahbarlari, tashkilot mas’ullari hamda yoshlar ishtirok etdi.
Shahdam qadam tashlayotgan yoshlarning siyratida Vatanga muhabbat hissini, burch va sadoqat uchqunlarini sezish qiyin emas. Yurish marafoni tumanning “Qoʻshtegirmon” mahallasi hududidan “Madaniyat” mahallasigacha davom etdi.
Sohibjamol
