Mehnat qonunchiligida ish vaqtimiz, majburiyatlarimiz batafsil ko‘rsatib o‘tilgan. Ammo, shunga qaramay, ba’zan ish vaqtidagi chegaralarni unutib qo‘yamiz. Sherobod tumani hokimi Zaynobiddin Xalilov tumanda faoliyat yuritayotgan davlat tashkilotlarining ish jarayoni hamda fuqarolar bilan ishlash holatini ko‘zdan kechirdi. Xususan, tuman rahbari moliya, g‘aznachilik, soliq, statistika bo‘limlari, xalq qabulxonasi, fermerlar kengashini piyoda yurgan holda o‘rgandi.
O‘rganish davomida byudjetdan tashqari pensiya jamg‘armasining Sherobod tumani bo‘limida ish faoliyati izdan chiqqanligi, tartib-intizomga amal qilinmasligi, fuqarolar uzoq vaqt navbat kutib qolishi, shuningdek, tushlik vaqti tugagandan keyin ham xodimlarning ish joyiga kechikib kelishi aholining noroziligiga sabab bo‘layotganligi maʼlum bo‘ldi. Ayni jihatlarni hisobga olgan holda ushbu xodimlarga tegishli chora ko‘riladigan bo‘ldi.
S.Davlatova
