Loyiha bilan tanishuv

Date:

Gaz, neft kabi uglevodorodlar energiyasidan keng foydalanamiz. Ammo, unutmasligimiz kerakki, ularning zaxiralari cheklangan. Shu sababdan ham mamlakatimizda qayta tiklanuvchi energiya manbalarini rivojlantirishga keng e’tibor qaratilgan.
Maqtanib aytsak bo‘ladiki, quyoshli yurtda yashaymiz. Hisob-kitoblarga qaraydigan bo‘lsak, yurtimizda bir yilda oʻrtacha 320 quyoshli kun kuzatiladi. Shuni hosobga olib, Oʻzbekistonda quyosh stansiyalarini qurish orqali jami 600 milliard kiloVatt-soat elektr energiyasi ishlab chiqarish imkoniyatini yuzga keltirish mumkin. Bu – mamlakatimizning energiyaga boʻlgan jami ehtiyojidan 8 barobar koʻp energiya ishlab chiqarish mumkin degani. Mana shunday loyihalarni ishlab chiqib, xorijiy investorlar jalb etilsa va koʻplab quyosh elektr stansiyalari qurilsa, foydadan holi bo‘lmaydi. Surxondaryoda ham quyosh fotoelektr stansiyasining qurilishi ana shunday loyihalarning davomi bo‘ldi deyish mumkin.
BAA davlatining “Masdar” kompaniyasi tomonidan Sherobod tumanida 457 MVt quvvatga ega quyosh fotoelektr stansiyasi qurish loyihasi amalga oshirilayotir. Ko‘pchilikda haqli savollar tug‘ilishi tabiiy. Loyihaning afzalliklari, imkoniyatlari qanday? Stansiya qurilib, ishga tushirilsa, aholiga xavfli jihatlari yo‘qmi? Sherobod tumani hokimligida kompaniya aʼzolari tomonidan tashkil etilgan seminarda mana shunday savollarga javob olish mumkin bo‘ldi. Qolaversa, loyiha uchun o‘tkazilgan ekologik va ijtimoiy taʼsirni baholash natijalaridan keng jamoatchilik xabardor qilindi. Fikr va takliflar tinglanib, kerakli tushuntirish ishlari olib borildi.
Mazkur tushuntirish ishlari fotoelektr stansiyasi quriladigan manzil – tumanning 4-sektori hududidagi “Bog‘iobod” mahallasida davom etdi. Mahalla idorasi yonida tashkil etilgan uchrashuvda aholi vakillari hamda fermerlar qatnashib, masʼullardan loyiha doirasida o‘zlariga qiziq va zarur bo‘lgan maʼlumotlarni olishdi.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Go‘zal tarbiya

O‘n ikki yoshlarda edim. Maktab xarajatlarimni topish uchun uyma-uy...

Kimlar referendumda ishtirok eta olmaydi?

Muhim tarixiy jarayon oldida turibmiz, ya’ni shu yilning 30-aprel...

Oiladagi zo‘ravonlik jinoiy javobgarlikka sabab bo‘ladi

Teng huquqlilik, gender tenglik haqida tinmay bong uramiz. Ammo,...

Otalar majburiyati oshirilmoqda

Farzand tarbiyasida otaning o‘rni katta. Afsuski, har doim ham...
KunTun
KunTun