Limonchilik bo‘yicha ham fermer va dehqonlarimiz katta tajribaga ega deya ishonch bilan aytishimiz mumkin. Chunki ular soha sirlarini o‘rganib, amaliyotda sinashga ham ulgurgani e’tirof etgulik. Qumqo‘rg‘on tumani “Bo‘ston’ mahallasi Qizilqoya massivida 33 gektar yer maydonida limonchilik komplekslari tashkil etilgan.
Ushbu hudud 33 ta tadbirkorga 1 gektardan issiqxona qurish uchun ajratib berilgan va Turon bank ATB Termiz filiali tomonidan ish boshlashlari uchun kreditlar ham ajratilgan. Ayni paytda esa tadbirkorlar tomonidan issiqxonalar qurilib, limon ko‘chatlari ekilgan.
Afsuski, bu yil ob-havoning keskin sovib ketishi oqibatida limonlar bargi sarg‘ayib, ko‘chatlar nobud bo‘layotgani tadbirkorlar hafsalasini pir qilishiga bir bahiya qolganda Limonchilik uyushmasi raisi akademik N.Faxriddinov tomonidan issiqxonadagi limon ko‘chatlarining nobud bo‘lgan shoxchalarini kesib, hosil beradigan novdalariga shakil berish ko‘nikmalari o‘rgatildi, ko‘rsatib berildi. Qolaversa, kerakli ko‘rsatmalar berilib, tadbirkorlarning boshlagan ishiga ishtiyoqi qaytarildi.
Sohibjmol
