12 yildan 14 yilgacha…

Date:

Giyohvandlik moddasi inson hayotiga og‘u misol ta’sir etib, organizmni yemira boshlaydi. Bu ofatni bizmes qilganlar esa qanchadan-qancha yoshlarni aldov yo‘li bilan o‘z domiga tortib, oilalar boshiga mash’um ko‘rgiliklarni solishadi. Qaniydi, ana shunday kimsalar avval pichoqni o‘zlariga urishsa… balki pul topishning bunday jirkanchli yo‘lini tutishmasmidi…
Termiz tumanida yashovchi 34 yoshli fuqaro Denov tumanida tojikistonlik shaxsdan 2 kilogramm “opiy” moddasini 14 ming AQSh dollariga sotib olib, kelgusida daromad ko‘rishni maqsad qilib, uyida saqlaydi. Bir muddat o‘tib, molga xaridor topishga erishadi. Bir emas, ikki xaridorga ushbu ajal og‘usini 40 ming AQSh dollariga sotayotgan vaqtda DXX xodimlari tomonidan qo‘lga olinadi.
Giyohfurush qo‘lga tushib, begunoh kimsalarning hayoti saqlab qolindi. Aybdorlar Jinoyat Kodeksining 246- va 273-moddalari bilan aybdor deb topilib, ularga 12 yildan 14 yilgacha bo‘lgan muddatlarga ozodlikdan mahrum etish jazosi tayinlandi. Ammo, bunday ishni kasb qilganlarning ildiziga bolta urmoq lozim. Qo‘zg‘atilgan jinoyat ishi doirasida tergov va surishtiruv jarayonlari boshlab yuborilgan. Umid qilamizki, bu ishning ortida turganlar ham topilib, o‘z tegishini oladi.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni,...

Somonpoya qoldiqlarini yoqishga chek qo‘yildi

Ba’zan ekologiyani asrab-avaylash haqidagi chiqishlarimiz, targ‘ibot-tashviqotlarimiz odamlar qulog‘iga yetib...

Bolajonlar ardoqda

Inson tabiatan mo‘’tadillikni yaxshi ko‘radi. Me’yoridan ortiq issiq ham,...

Luqmani harom qilmang!

Insonning salomatligi ko‘p hollarda u iste’mol qilayotgan oziq-ovqat mahsulotlariga...
KunTun
KunTun