Surxondaryo viloyatidan “Yashil makon” umummilliy aksiyasi doirasida mevali va manzarali daraxt ko‘chatlari ekish ishlarining bahorgi mavsumi bo‘yicha aniq rejalar belgilangan. Ayni kunlar esa ko‘chat ekish uchun qulay fursat. Shu sababdan ham loyiha doirasiga bahorgi ko‘chat ekish ishlari Muzrabot tumanidan start oldi.
Aytish kerakki, davlatimiz rahbari tomonidan “Yashil makon” aksiyasi doirasida joriy yil bahor oylarida yana 125 million dona mevali va manzarali ko‘chatlar ekish vazifasi qo‘yilgan. Bu ko‘rsatkichning 550 mingga yaqini esa Muzrabot tumaniga to‘g‘ri keladi. Rejani puxta olgan muzrabotliklar yaxshi niyat va duolar ila hudud iqlim sharoitiga mos va xos, chidamli bo‘lgan mevali va manzarali ko‘chatlarni ekishayotir.
Tumanni yashil makon – ekologik toza hududga aylantirishda tashabbuskorlikni qo‘lga olganlar tumanning “Yangi diyor” mahallasi va boshqa hududlarida 20 mingdan ortiq ko‘chat ekishga ulgurishdi.
S.Davlatova
