Grant tanlovlari e’lon qilindi

Date:

Yurtimizda tadbirkorlikni rivojlantirish davlat siyosati darajasiga ko‘tarilgan. Ayniqsa, bu borada davlat hamda nodavlat notijorat tashkilotlari va fuqarolik jamiyati institutlarining ijtimoiy sherik asosida olib borayotgan hamkorligi natijasida qator ijtimoiy ahamiyatga ega loyihalar ishlab chiqilib, amaliyotga samarali tatbiq etilayotir.

Aytish kerakki, ijtimoiy sheriklik – davlat organlarining nodavlat notijorat tashkilotlari va fuqarolik jamiyatining boshqa institutlari bilan mamlakatni ijtimoiy-iqtisodiy rivojlantirish dasturlarini, shu jumladan tarmoq, hududiy dasturlarni, shuningdek normativ-huquqiy hujjatlarni hamda fuqarolarning huquqlari va qonuniy manfaatlariga daxldor bo‘lgan boshqa qarorlarni ishlab chiqish hamda amalga oshirish borasidagi hamkorligidir. Hamkorlik asosida ko‘plab korxona va tadbirkorlik subyektlarining faoliyati yo‘lga qo‘yildi. Qo‘shimcha ish o‘rinlari yaratilib, aholining ishsiz qatlamining bandligi ta’minlandi, qolaversa, doimiy daromad manbaiga ega bo‘layotgani quvonarli hol. Tizimda esa ana shunday loyihalar, grant tanlovlari e’lon qilinib, aholi turmush sharoitini yaxshilashga e’tibor kuchaytirilgan.

Xalq deputatlari Surxondaryo viloyat kengashi huzuridagi “Ijtimoiy sheriklik” bo‘yicha jamoat komissiyasining navbatdagi yig‘ilishi bo‘lib o‘tdi. Yig‘ilishni komissiya raisi A.Ro‘ziyev ochib berdi va olib bordi. Takliflar, fikrlar o‘rtaga tashlanib, muhokama qilindi.
Yig‘ilishda jomoat komissiyasining tegishli qarori asosida e’lon qilingan “Nodavlat notijorat tashkilotlari va fuqarolik jamiyatining boshqa institutlarining aholi o‘rtasida tadbirkorlikni rivojlantirishga qaratilgan loyihalarni qo‘llab-quvvatlash” mavzusida e’lon qilingan to‘rtinchi grant tanloviga kelib tushgan loyihalar ko‘rib chiqildi va g‘oliblar aniqlandi.

So‘ngda Xalq deputatlari Surxondaryo viloyat kengashi huzuridagi Jamoat fondi tomonidan 5- va 6-grant tanlovlari e’lon qilindi.
Ushbu tanlov loyihalarining amaliyotga tatbiq etilishi natijasida yosh avlodning diniy bilimlari, ma’naviy olami boyiydi. Ayollar va qizlar bandligi ta’minlanib, bo‘sh vaqtlarini mazmunli tashkil etish uchun munosib shart-sharoit yaratiladi. Sog‘lom turmush tarzini targ‘ib etish maqsadida sport turlariga e’tibor kuchaytiriladi. Qolaversa, nafaqat diniy, balki dunyoviy, tarixiy bilimlarni o‘rganish ham keng targ‘ib etiladi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Parasport musobaqasi bo‘lib o‘tdi

Jismoniy imkoniyatning cheklanganligi insonni jamiyatdan uzib qo‘ymasligi kerak. Albatta,...

“Toza havo” oyligi: birinchi bosqich boshlandi

Insonlarga yaxshilik qilish qo‘limizdan kelmasa, yomonlik ham qilmaslikni o‘rganishimiz...

Kitoblar karvoni hududlarga yo‘l oldi

Kitob insonning eng yaxshi hamrohidir. Bejizga yosh-u keksa kitobga,...

Surxondaryoda respublika seminari o‘tkazildi

Prezidentimizning 2023-yil 16-17 noyabr kunlari viloyatimizga tashrifida respublikamizda birinchi...
KunTun
KunTun