Umida Omonova deganda kichikkina jussasida, samimiy chehrasida andekkina jiddiylik mujassam shaxmatchi qiz xayolotimizda gavdalanadi. Umida nafaqat Sherobodning, balki Surxondaryoning, O‘zbekistonning faxr-u iftixoriga aylangan iste’dodli yoshlardan. Uning mahorati, shaxmatdagi o‘z uslubi va yo‘nalishiga ega ekani e’tibor va e’tirofga sazovor, albatta.
Naxchivan (Ozarbayjon) shahrida 16 yoshgacha bo‘lgan o‘smirlar o‘rtasida Butunjahon shaxmat olimpiadasi bo‘lib o‘tdi. Aytish kerakki, shaxmat olimpiadasida O‘zbekistondan ikki jamoa ishtirok etdi. “O‘zbekiston-1” jamoasi tarkibida esa Umida Omonovaning ham ishtirok etayotganining o‘zi quvonchli hodisa.
Aql o‘yinida aqllar, zakovatlar bellashdi. Asosiysi “O‘zbekiston-1” jamoasi olimpiadada faxrli ikkinchi o‘rinni qo‘lga kiritdi. Bunda, albatta Umidaning ham munosib hissasi borligini e’tirof etish joiz.
S.Davlatova
