Ijtimoiy himoyaga muhtoj aholini har qachon qo‘llab-quvvatlaydigan davlatda yashayapmizki, imkonsiz narsaning o‘zi yo‘q. Imkoniyati cheklangan fuqarolarning ko‘ngliga quvonch olib kirish, ustiga ustak el duosini olish maqsaddida ham mana shundayin ijtimoiy himoyaga muhtoj aholi qatlamlarining shodiyona kunlari mutasaddilar ko‘magi bilan o‘tkazib berilishi ham an’ana tusini oldi, desak xato bo‘lmas.
Jarqo‘rg‘on tuman prokurori, 2-sektor rahbari B.Haydarovning tashabbusi bilan kuni kecha ijtimoiy himoyaga muhtoj “chin yetim” bo‘lgan ikki yoshning “Nikoh to‘yi” hamda boquvchisini yo‘qotgan, “Ayollar daftari”da turuvchi Nilufar Allamurodovaning ikki nafar farzandlariga homiylar jalb qilinib, tumanning “Hayitobod” MFY markazida joylashgan “Uzoq ota” to‘yxonasida sunnat to‘y tadbiri o‘tkazib berildi.
O‘tkazilgan tadbirda, tumanning bir qator nuroniy-oqsoqollari va boshqa tashkilot rahbarlari taklif etilib, mehmonlarga dasturxon yozildi.
A.Safarova
