Surxondaryo viloyatidagi yirik “To‘palang GES” modernizatsiya qilinib, uning quvvati 175 MVtga yetkaziladi
Yangi O‘zbekistonning 2022–2026-yillarga moʼljallangan Taraqqiyot strategiyasida yurtimiz “yashil” energetika sohasini kelgusida yanada rivojlantirishga alohida e’tibor berilgan.
Shu maqsadda, yangi qurilayotgan va modernizatsiya qilinayotgan gidroelektr stantsiyalarni o‘z vaqtida foydalanishga topshirish yuzasidan qator chora-tadbirlar amalga oshirilmoqda.
Xususan, Surxondaryo viloyatida joriy yilda foydalanishga topshirilishi rejalashtirilgan, ishlab chiqarish quvvati yuqori bo‘lgan “To‘palang GES”da modernizatsiya ishlari jadallik bilan olib borilmoqda.
GES faoliyati uchun har birining quvvati 72,5 MVt bo‘lgan 2 ta gidroagregatlar o‘rnatiladi. Modernizatsiyadan so‘ng GESning umumiy quvvati 175 MVtga yetkaziladi. Mazkur modernizatsiya ishlari Rossiyaning “Силовые машины” kompaniyasi bilan hamkorlikda amalga oshirilmoqda.
