Ayni kunlarda O‘zbekiston terma jamoasi bosh murabbiyi Pavel Xan boschiligidagi ishchi guruhi Surxondaryo viloyatida safarda boʻlib turibdi. Uchrashuvdan koʻzlangan asosiy maqsad taekvondo WT rivojlanmagan va past natijalar ko‘rsatib kelayotgan hududlardan biri bo‘lmish Surxondaryodagi davlat sport ta’limi muassasalari murabbiylari va hakamlari uchun sportchilarni jalb etish, ularni seleksiya qilish, mashg‘ulotlarni to‘g‘ri o’tkazib, musobaqalarni xalqaro hakamlik talablari asosida tashkil etish yuzasidan ko‘rsatmalar berishdan iborat.
Shu yoʻsinda tashrif davomida assotsiatsiyamiz bosh hakami Dmitriy Kim referilar uchun seminar oʻtib bergan bo’lsa, Pavel Xan surxondaryolik murabbiylar bilan amaliy mashg‘ulot oʻtkazdi. Bosh shifokor Aleksey Chernyov esa antidoping masalalari boʻyicha tegishli koʻrsatmalar berdi.
