Onalar ehtiromda

Jannat — onalar oyog‘i ostida. Jamiyatimizda onaga ehtirom, umuman, onalarning hayotda tutgan o‘rni beqiyos. Bejiz vatan ham onaga mengzalmaydi. 8-mart Xalqaro xotin-qizlar bayrami munosabati bilan Shoʻrchi tumanidagi mahallalarda faoliyat yuritayotgan bir guruh yoshlar yetakchilarining onalari taqdirlanishdi.
-Bayram bilan mo‘tabar ayollarni, munis opa-singillarimizni tabriklayman, – deydi “Yoshg‘ayrat” mahallasining yoshlar yetakchisining onasi Rayhon Chovdirboyeva. – To‘g‘risi, bugun tug‘ilgan kunim. Men uchun qo‘shaloq, unutilmas bayram bo‘ldi. O‘g‘limning ortidan e’tirof etilganimdan, tuman hokimi bilan hamsuhbat bo‘lganimdan juda mamnunman.
Albatta, farzandi ortidan yaxshi so‘z eshitgan har bir onaning qalbida quvonch, yuzida tabassum bo‘ladi.