Termiz shahrida “Yashil makon” umummilliy loyihasi doirasida ko‘kalamzorlashtirish va obodonlashtirish ishlari izchil davom etmoqda.
Erta tongdan shahar hokimi Sharofiddin Lolayev rahbarligida mahalla yettiligi, korxona va tashkilotlar hamda jamoatchilik vakillari ishtirokida “Sofi Olloyor” ko‘chasida ko‘chat ekish ishlariga start berildi.
“Eski shahar”, “Abdurahmon Jomiy”, “Shodlik” va “Saxovat” mahallalari hududidan o‘tuvchi “Sofi Olloyor”, “Mehridaryo” va “Fayoztepa” ko‘chalarida tuya, sasna va boshqa manzarali daraxt ko‘chatlari ekilmoqda.
Shuningdek, piyodalar va velosipedchilar uchun qulaylik yaratish maqsadida yo‘laklarni bo‘yash va tartibga keltirish ishlari ham olib borilmoqda.
