Bandixon tumanida aholi uchun qulay va xavfsiz piyoda yo‘laklarini yaratish, sog‘lom turmush tarzini qo‘llab-quvvatlashga qaratilgan yangi loyiha amalga oshirilmoqda.
D-167 avtomobil yo‘lining Bandixon, Bektepa va Saroy mahallalari hududidan yangi istirohat bog‘igacha 2,8 kilometr uzunlikdagi salomatlik yo‘lakchasi barpo etilmoqda. Loyihaning umumiy qiymati 2,65 milliard so‘mni tashkil etadi.Loyiha yakunlangach, aholi Bektepa mahallasidagi “Ximiya povorot” hududidan Saroy mahallasigacha piyoda xavfsiz va qulay harakatlanish imkoniga ega bo‘ladi.
Mazkur bunyodkorlik ishlari hudud infratuzilmasini yaxshilash va aholi farovonligini oshirishga xizmat qiladi.
